MGA MALLS SA SYUDAD SANG KORONADAL, 100% NGA KONFIRMADO PARA SA PARTISIPASYON SA GRAND KORONADAL SALE

Ang Grand Month Sale, ang pinakauna nga ti-on nga igapatigayon sa syudad sa maabot nga bulan sang Oktubre. Ini bilang kabahin sang 10th Charter Anniversary kag isa ka weeklong celebration nga maga-umpisa sa Oktubre 1 tubtub 8 sa diin ang tanan nga mga balaklon sa syudad ang may yara sang diskwento.
Nahibalu-an nga ang tuigan nga selebrasyon sang Charter Anniversary sang syudad ang nakasentro sa tema sang livelihood kag negosyo. (BIC M.)

CONSULTATIVE MEETING ANGOT SA DAD PROGRAM, NAGMADINALAG-ON

Sa pihak nga bahin, nagkomiter naman ang mga pribado nga doctor nga magabulig sa lokal nga pamunu-an sang syudad sang Koronadal para sa information Education Campaign (IEC) may kaangtanan sa pagtapna sang dengue. Ini paagi sa pagpatigayon sang libre nga lecture sa mga barangay sang syudad. Nahibalu-an nga ang syudad sang Koronadal ang pinakauna nga nagduso sang inisyatibo sang DAD’ D. (BIC M)

Duha ka Resolusyon, natalana nga igaduso sang syudad sang Koronadal

Ginkasugtan sang mga miyembro sang City Disaster and Coordinating Council ukon CDCC ang pagduso sang duha ka mga “major resolutions” para sa syudad sang Koronadal. Sa ginpatigayon nga pagsinapol sang City Disaster and Coordinating Council ukon CDCC nga ginpamunuan ni City Mayor Peter Miguel , ginkasugtan sang mga ini ang pagduso sang resolusyon nga nagadiklarar sang syudad sang Koronadal sang “State of Calamity”. Ini makaligad nga nagpanalasa ang tubig-baha sa nagkalain-lain nga barangay sang syudad.

76 Ka Pamilya Nga Naapektuhan Sang Mudslide Sa Brgy. San Isidro Nagapabilin Pa Sa Evacuation Center

76 ka pamilya nga may kapin 22 ka mga dependents nga nag evacuate sa Bacongco Elementary School sa Brgy.San Isidro, syudad sang Koronadal ang magapabilin didto bangud kay wala sila gintugutan sang lokal nga pamunuan sang syudad sang Koronadal nga makabalik sa ila an nga puluy-an matapos nga ginp-agyan sang mabaskog nga tubig-baha kag lutak ang ila puluy-an nga nangin kabangdanan sang pagkamatay sang lima (5) ka pumuluyo, anum (6) ka mga pilason samtang pila sa ila ang nadulaan sang puluy-an matapos matampukan sang duta.

Ang lima nga nagtaliwan amo sanday Linda Eris, 80 anyos, mag-iloy nga Anita Protacio, 37, Rene Boy Patricio 10, kag Mechaela Patricio, 3 anyos, subong man si Ira Mae Cabel nga nagapangidaron sang pito (7) ka bulan, sa diin lunsay ginbawian sang kabuhi.
Nahibaluan nga ginlaslas sang mabaskog nga tubig-baha ang puluy-an sang mga ini sang takna 6:00 sang gab-I bangud man sa pagbubu sang mabaskog nga ulan nga nag-umpisa pasado 4:00 sang hapon sang Septyembre 10, 2010.
(Bic Manato)

City Mayor Peter B. Miguel, nagapanawagan sang bulig para sa mga evacuees sang Brgy. San Isidro

Ginhingyo ni City Mayor Peter Miguel ang tanan nga mga Barangay sa syudad sang Koronadal nga indi lubos nga apektado sang nagluntad nga kalamidad nga maghatag sang bulig sa nga barangay nga apektado sang pagbaha partikular nga gintagaan importansya sang alkalde amo ang Brgy. San Isidro nga amo naman ang tuman nga apektado.

Ginhatagan sini importansya ang pagbinuligay sa tion sang emerhensya agud mahagan-hagan ang problema sang natungdan. Kaangot sini, nangin  positibo naman ang nangain reaksyon sang pila ka mga barangay officials.
Magluwas sini, nagapanawagan man ang City Government sang Koronadal sa tanan nga Non-Government Organizations ukon NGO’s subong man sa mga indibidwal nga maghatag sang bisan diotay nga bulig para sa mga evacuees, wala sapayan kon ini “cash or in-kind”. Sa luyag magdonar, mahimo lamang nga idul-ong sa talatapan sang City Social Welfare and Development Office ukon CSWDO nga ginapamunuan naman ni CSWDO Mary Jane Martha M. Gabucan ukon mahimo man nga ideretso sa Bacongco Elementary School kag pangitaon lamang si Brgy. Chairman Renante Bacongco.

Sa karon, padayon pa ang supply sang CSWDO sa mga evacuees samtang natalana man nga ipaidalom ang mga ini sa Supplemental Feeding. Sa pihak nga bahin, ginapasalamatan ni Mayor Miguel ang madasig nga aksyon kag suporta sang Provincial Government sang South Cotabato.(Bic Manato)

Koronadal’s Vision and Mission

“A highly competitive city that sustains life”

Brief yet concise, this is our vision for the City of Koronadal. It may sound simple, yet to realize such, requires the continued concerted efforts of everyone from our city officials and workforce, to all our partners from the government and non-government agencies who are our partners in progress, and most importantly, the private sector, all of whom are called to contribute and participate dynamically for the achievement of our goal.

And as we gear for the next three years, we dare dream to make our city the best home where you and I want to live, a home that sustains and provides the basics and the best of life.

Three key words summarize all that we intend to do: To develop land and people.

Uniquely Koronadal

City of Koronadal is a fertile valley which is locked by the mountainous spines of the Roxas and Quezon Mountain Ranges that rise to 874 meters above sea level. This City situated in the northeastern part of the South Cotabato and lies in the heart of region XII in Central Mindanao.