Nahibalu-an nga ginpasalig sang KCC Mall of Marbel, Fitmart Mall kag Ace Center Point ang ila partisipasyon para sa nasambit nga aktibidad. Magluwas sini, ginalauman man sang Lokal nga pamunu-an sang syudad sang Koronadal ang dugang nga partisipasyon sang iban pa nga mga business sectors.

Una diri, nag-mall hopping si City Mayor Peter B. Miguel upod ang Festival Director sang Charter Anniversary Mr. Francis Sablon agud personal nga makahinun-anon ang pamunu-an sang tatlo ka mga dalagko nga establismento komersyal. Lubos naman nga ginkalipay sang mga ini ang personal nga pag-imbitar sa ila sang alkalde.

Katuyu-an sang nasambit nga tikang agud talakayon kon paano solusyunan ang nagadata nga dengue sa bug-os nga probinsya sang South Cotabato lakip na ang syudad sang Koronadal. Nahibalu-an nga nagapanguna ang syudad sa bug-os nga probinsya nga may pinakadamo nga kaso sang dengue.

Samtang, sa ginpatigayon nga consultative meeting, ginpalab-ot sang mga partisipante ang nagkalain-lain nga problema nga amo naman ang ginapatihan nga upang sa pagbulong sang mga pasyente nga nagasuprer sang dengue. Nagapanguna naman nga concerns sang mga ini amo ang kakulang sang dugo sa ti-on nga nagadata ang dengue subong man refrigerated center fudge sa diin diri gina-stock ang mga plasma. Natalakay man ang mga best practices sang Gen. Santos City, sa diin isa diri amo ang paghatag sang financial subsidy sa mga individual nga indigent subong man ang hugot nga koordinasyon sang pribado kag pampubliko nga balay-bululngan.

Nahibalu-an nga ginaduso ni City Mayor Dr. Peter B. Miguel, ang pagdihon sang intervention para sa dengue bangud nagapati ini nga magalawig pa ang pagpanghalit sang mga lamok nga nagadala sang nasambit nga problema.
 

Ginhatagan sini importansya ang pagbinuligay sa tion sang emerhensya agud mahagan-hagan ang problema sang natungdan. Kaangot sini, nangin  positibo naman ang nangain reaksyon sang pila ka mga barangay officials.
Magluwas sini, nagapanawagan man ang City Government sang Koronadal sa tanan nga Non-Government Organizations ukon NGO’s subong man sa mga indibidwal nga maghatag sang bisan diotay nga bulig para sa mga evacuees, wala sapayan kon ini “cash or in-kind”. Sa luyag magdonar, mahimo lamang nga idul-ong sa talatapan sang City Social Welfare and Development Office ukon CSWDO nga ginapamunuan naman ni CSWDO Mary Jane Martha M. Gabucan ukon mahimo man nga ideretso sa Bacongco Elementary School kag pangitaon lamang si Brgy. Chairman Renante Bacongco.

Sa karon, padayon pa ang supply sang CSWDO sa mga evacuees samtang natalana man nga ipaidalom ang mga ini sa Supplemental Feeding. Sa pihak nga bahin, ginapasalamatan ni Mayor Miguel ang madasig nga aksyon kag suporta sang Provincial Government sang South Cotabato.(Bic Manato)